رفح میں پناہ گزینوں کے خیمے جلانے پر اسرائیلی وزیراعظم نیتن یاہو کو بھی شرمندگی ہوئی، تاہم امریکی قومی سلامتی کے ترجمان جان کربی نے ان حملوں پر اسرائیل کو جائز قرار دیا ہے۔
جان کربی نے کہا کہ اسرائیل کو حماس کے خلاف کارروائی کرنے کا حق حاصل ہے۔ ان کا کہنا تھا کہ ہمیں یقین ہے کہ رفح حملے میں حماس کے دو سینیئر ارکان ہلاک ہوئے ہیں، جو اسرائیلی شہریوں پر حملوں کے ذمہ دار تھے۔
امریکی ترجمان نے کہا کہ ہم واضح ہیں کہ اسرائیل کو شہریوں کے تحفظ کے لیے ہر ممکن احتیاط کرنی چاہیے۔
جان کربی نے کہا کہ ہم اسرائیلی فوج کے ساتھ رابطے میں ہیں اور اسرائیل رفح حملے کی تحقیقات کر رہا ہے۔
واضح رہے کہ گزشتہ رات اسرائیلی فوج کے رفح پناہ گزین کیمپ پر حملے میں خواتین اور بچوں سمیت 75 سے زیادہ فلسطینی شہید ہوگئے تھے۔
