ایران میں حالیہ فسادات میںامریکا اور اسرائیل ملو ت ہے: علی خامنہ ای

تہران( مانیٹرنگ ڈیسک)ایرانی سپریم لیڈر علی خامنہ ای نے ملک میں حالیہ فسادات کو امریکا اور اسرائیل کی سازش قرار دیا ہے اور کہا ہے کہ یہ بغاوت کی ایک منظم کوشش تھی جسے ایرانی قوم نے ناکام بنا دیا۔اپنے بیان میں خامنہ ای نے واضح کیا کہ یہ محض الزام نہیں بلکہ شواہد پر مبنی حقیقت ہے کہ ان واقعات کی منصوبہ بندی بیرونِ ملک کی گئی۔ ان کے مطابق امریکی صدر کے بیانات خود اس بات کا ثبوت ہیں، جن میں فسادی عناصر کو آگے بڑھانے اور مدد فراہم کرنے کے اشارے ملتے ہیں۔ایرانی سپریم لیڈر نے مزید کہا کہ حالیہ فسادات دراصل بیرونِ ملک سے کنٹرول کی جانے والی بغاوت کی کوششیں تھیں، جنہیں ہوا دینے کے لیے سی آئی اے اور اسرائیلی خفیہ ایجنسی موساد نے اپنے تمام وسائل استعمال کیے، تاہم یہ منصوبہ ناکام رہا اور عوام نے ملک کی حفاظت یقینی بنائی۔