مقبوضہ بیت المقدس: مسجد اقصیٰ کے امام کو اسرائیلی پولیس نے گرفتار کر لیا

مقبوضہ بیت المقدس( مانیٹرنگ ڈیسک) اسرائیلی پولیس نے رمضان سے قبل مسجد اقصیٰ کے امام شیخ محمد العباسی کو گرفتار کر لیا۔فلسطینی خبر رساں ادارے وفا کے مطابق اسرائیلی فورسز نے پیر کی شام مسجد اقصیٰ کے صحن سے امام کو حراست میں لیا، تاہم گرفتاری کی باضابطہ وجہ سامنے نہیں آئی۔رپورٹ میں بتایا گیا ہے کہ یہ کارروائی ایسے وقت میں کی گئی ہے جب مسجد اقصیٰ میں سکیورٹی اقدامات سخت کیے جا رہے ہیں اور نمازیوں کے داخلے پر پابندیاں عائد کی گئی ہیں۔ اطلاعات کے مطابق بعض مذہبی شخصیات پر بھی پابندی کے احکامات جاری کیے گئے ہیں۔