حزب اللہ کے حملوں سے شمالی اسرائیلی شہر شدید تباہ، شہری خوفزدہ

 مارگالیوت( مانیٹرنگ ڈیسک)شمالی اسرائیل کے شہر مارگالیوت کے میئر نے حزب اللہ کے حالیہ حملوں کے باعث شہر کی بری حالت کا انکشاف کیا ہے۔ انہوں نے بتایا کہ شہر تقریباً مکمل طور پر تباہ ہو چکا ہے اور دو تہائی سے زیادہ شہری اپنے گھروں کو چھوڑنے پر مجبور ہو گئے ہیں۔میئر نے وزیراعظم نیتن یاہو کو تنقید کا نشانہ بناتے ہوئے کہا کہ حکومت شہریوں کو مناسب تحفظ فراہم کرنے میں ناکام رہی ہے۔ مسلسل حملوں اور جوابی کارروائیوں کے نتیجے میں علاقے میں شدید خوف و ہراس پایا جاتا ہے۔میڈیا سے گفتگو میں وہ جذبات پر قابو نہ رکھ سکے اور کہا کہ سب کچھ تباہ ہو چکا ہے اور افسوس کی بات یہ ہے کہ عالمی سطح پر اسرائیل کے حق میں واضح حمایت بھی نظر نہیں آ رہی۔