پاکستان سمیت 8 ممالک کی اسرائیلی سیز فائر خلاف ورزی کی مذمت

غزہ( مانیٹرنگ ڈیسک) پاکستان سمیت 8 ممالک نے غزہ میں سیز فائر کی اسرائیلی خلاف ورزیوں کی شدید مذمت کی ہے۔ممالک کے وزرائے خارجہ نے مشترکہ بیان میں فلسطینی عوام کے حق خودارادیت اور آزاد ریاست کے قیام کی حمایت کا اعادہ کیا اور کہا کہ اسرائیلی اقدامات دو ریاستی حل کو نقصان پہنچا رہے ہیں۔ عالمی برادری کو اسرائیل کو غیرقانونی اقدامات روکنے پر مجبور کرنا چاہیے۔بیان میں مزید کہا گیا کہ عرب امن منصوبے کے مطابق ہی پائیدار امن ممکن ہے، اور یہ اقدامات خطے کی سلامتی و استحکام کو یقینی بنا سکتے ہیں۔ مقبوضہ مغربی کنارے میں اسرائیل کی کوئی خودمختاری نہیں ہے۔