ترکیہ کی پارلیمنٹ میں وزیر انصاف کی تقرری پر ہاتھا پائی

انقرہ( مانیٹرنگ ڈیسک) ترکیہ کی پارلیمنٹ میں وزیرِ انصاف آکن گرلگ کی تقرری کے بعد شدید ہنگامہ آرائی دیکھنے میں آئی۔ذرائع کے مطابق اپوزیشن جماعتوں نے نامزدگی کو متنازع قرار دیتے ہوئے ایوان میں احتجاج کیا، جس کے دوران بعض ارکان کے درمیان ہاتھا پائی بھی ہوئی۔اپوزیشن کا موقف ہے کہ آکن گرلگ نے ماضی میں بطور چیف پراسیکیوٹر اپوزیشن کے خلاف کریک ڈاؤن کی قیادت کی، اس لیے ان کی تقرری سیاسی طور پر جانبدارانہ ہے۔حکومتی ارکان نے صدر رجب طیب اردوان کے فیصلے کا دفاع کرتے ہوئے کہا کہ آکن گرلگ نے قانونی ذمہ داریاں آئینی طریقے سے پوری کی ہیں۔