اگر حالات خراب ہوئے تو امریکا دوبارہ کارروائی سے گریز نہیں کرے گا: ٹر مپ

واشنگٹن( مانیٹرنگ ڈیسک) امریکی صدر ڈونلڈ ٹرمپ نے ایران کے ساتھ جاری کشیدگی کے تناظر میں ایک بار پھر سخت مؤقف اختیار کرتے ہوئے خبردار کیا ہے کہ اگر صورتحال کسی بھی مرحلے پر غیر متوقع ہوئی تو ایران پر پہلے سے زیادہ بڑے اور طاقتور حملے کیے جائیں گے۔سماجی رابطے کی ویب سائٹ پر جاری اپنے بیان میں انہوں نے کہا کہ کسی بھی ممکنہ معاہدے تک امریکی بحری جہاز، طیارے اور فوجی اہلکار ایران کے اطراف موجود رہیں گے تاکہ کسی بھی ہنگامی صورتحال سے فوری نمٹا جا سکے۔انہوں نے واضح کیا کہ اگر حالات خراب ہوتے ہیں تو امریکا دوبارہ کارروائی سے گریز نہیں کرے گا بلکہ اس بار حملے پہلے سے کہیں زیادہ شدید ہوں گے۔امریکی صدر نے مزید کہا کہ یہ بات پہلے ہی طے ہو چکی ہے کہ ایران کو جوہری ہتھیار حاصل کرنے کی اجازت نہیں دی جائے گی اور اس مقصد کے لیے ہر ممکن اقدام اٹھایا جائے گا۔