افغانستان میں طالبان حکومت کو دہشتگردی کے الزامات پر سفارتی و معاشی مشکلات کا سامنا

کابل( مانیٹرنگ ڈیسک) افغان جریدے ہشت صبح نے اپنی حالیہ رپورٹ میں دعویٰ کیا ہے کہ طالبان حکومت کو دہشتگرد تنظیموں کی مبینہ سرپرستی کے باعث سفارتی اور عسکری سطح پر چیلنجز کا سامنا ہے۔رپورٹ میں کہا گیا ہے کہ بعض طالبان حکام بالواسطہ طور پر افغانستان میں شدت پسند عناصر کی موجودگی کا اعتراف کر چکے ہیں۔ خطے میں بڑھتی ہوئی کشیدگی اور سرحدی بندشوں کی وجہ سے افغانستان کو معاشی دباؤ کا سامنا ہے، جس کے نتیجے میں ادویات اور خوراک کی قیمتوں میں اضافہ ہوا ہے۔جریدے نے خبردار کیا کہ کسی بھی ہمسایہ ملک کے ساتھ براہِ راست عسکری تصادم افغانستان کے لیے نقصان دہ ثابت ہو سکتا ہے۔ رپورٹ میں مزید کہا گیا کہ جب تک طالبان اقتدار میں رہیں گے، افغانستان کو عالمی سفارتکاری میں چیلنجز کا سامنا رہے گا۔ بعض ماہرین نے افغان میڈیا اور عوام کی جانب سے شدت پسند گروہوں کی موجودگی پر اٹھائے گئے سوالات کی بھی نشاندہی کی ہے۔