ٹی ٹوئنٹی ورلڈکپ: سپر ایٹ مرحلے میں آج دو اہم میچز

لاہور( سپورٹس ڈیسک)ٹی ٹوئنٹی ورلڈکپ کے سپر ایٹ مرحلے کے دو اہم میچز آج کھیلے جائیں گے۔گروپ ون کے پہلے میچ میں ایونٹ میں اب تک ناقابل شکست رہنے والی ٹیمیں جنوبی افریقا اور ویسٹ انڈیز آمنے سامنے آئیں گی۔ دونوں ٹیمیں گروپ مرحلے میں چاروں میچز جیت چکی ہیں، اور سپر ایٹ کے اپنے پہلے میچز میں بھی بڑے مارجنز سے فتح حاصل کر چکی ہیں۔ جنوبی افریقا نے بھارت کے خلاف 76 رنز سے اور ویسٹ انڈیز نے زمبابوے کے خلاف 107 رنز سے کامیابی حاصل کی تھی۔ یہ میچ پاکستان کے مقامی وقت کے مطابق دوپہر 2:30 بجے شروع ہوگا۔گروپ ون کے دوسرے میچ میں شام 6:30 بجے بھارت بھارت اور زمبابوے مد مقابل ہوں گے۔ دونوں ٹیمیں گروپ مرحلے میں ناقابل شکست رہیں لیکن سپر ایٹ کے پہلے میچ میں شکست کھا چکی ہیں۔آج جنوبی افریقا اور ویسٹ انڈیز میں سے جو ٹیم جیتے گی وہ سیمی فائنل میں جگہ بنا لے گی، جبکہ زمبابوے اور بھارت کے میچ میں ہارنے والی ٹیم سیمی فائنل کی دوڑ سے باہر ہو جائے گی۔