پی ایس ایل میں آج کوئٹہ اور راولپنڈی کا ٹاکرا، دونوں ٹیمیں فتح کی متلاشی

 راولپنڈی(سپورٹس ڈیسک)پاکستان سپر لیگ کے گیارہویں مرحلے میں آج کوئٹہ گلیڈی ایٹرز اور راولپنڈی کی ٹیمیں مدمقابل آئیں گی۔ یہ مقابلہ شام سات بجے کراچی کے نیشنل اسٹیڈیم کراچی میں کھیلا جائے گا۔کوئٹہ گلیڈی ایٹرز کی قیادت سعود شکیل کریں گے جبکہ راولپنڈی کی ٹیم کی کپتانی محمد رضوان کے سپرد ہوگی۔دونوں ٹیمیں ایونٹ میں اب تک چار، چار میچز کھیل چکی ہیں، جن میں کوئٹہ کی ٹیم صرف ایک کامیابی حاصل کر سکی ہے جبکہ راولپنڈی کی ٹیم تاحال کسی میچ میں فتح حاصل نہیں کر پائی۔پوائنٹس جدول پر کوئٹہ گلیڈی ایٹرز چھٹے جبکہ راولپنڈی کی ٹیم آٹھویں نمبر پر موجود ہے، جس کے باعث آج کا میچ دونوں ٹیموں کے لیے نہایت اہمیت اختیار کر گیا ہے۔