کراچی( کامرس ڈیسک) سٹیٹ بینک آف پاکستان نے سندھ مائیکروفنانس بینک لمیٹڈ کو ملک گیر مائیکروفنانس بینکاری لائسنس جاری کر دیا ہے۔ 10 فروری 2026 سے بینک پورے ملک میں مائیکروفنانس بینکاری خدمات فراہم کرنے کے اہل ہو گیا ہے۔یہ فیصلہ مالی استحکام کے اقدامات کے حصے کے طور پر کیا گیا ہے تاکہ چھوٹے کاروباری افراد اور کم آمدنی والے طبقات کو مالی خدمات تک بہتر رسائی فراہم کی جا سکے۔ ماہرین کا کہنا ہے کہ اس اقدام سے مالی شمولیت میں اضافہ ہوگا اور مخصوص طبقوں کو مالی سہولتیں دستیاب ہوں گی۔سندھ مائیکروفنانس بینک کے ملک گیر آپریشنز سے پاکستان کے مختلف حصوں میں کاروباری افراد اور عام عوام کے لیے مائیکروفنانس کی خدمات کا دائرہ وسیع ہوگا، جو ملک کی معیشت کی ترقی میں اہم کردار ادا کرے گا۔
سٹیٹ بینک نے سندھ مائیکروفنانس بینک کو ملک گیر لائسنس دے دیا
11 گھنٹے قبل
