حکومت نے او جی ڈی سی ایل کو نویں قسط ادا کر دی، توانائی شعبے میں مالی شفافیت کی پیش رفت

کراچی( کامرس ڈیسک) حکومت نے سرکلر ڈیٹ سیٹلمنٹ پلان کے تحت او جی ڈی سی ایل کو نویں قسط فراہم کر دی ہے۔ اس سلسلے میں پاور ہولڈنگ پرائیویٹ لمیٹڈ کے ذریعے 7 ارب 72 کروڑ 50 لاکھ روپے ادا کیے گئے ہیں۔او جی ڈی سی ایل نے ٹرم فنانس سرٹیفکیٹس کی تفصیلات پاکستان اور لندن اسٹاک ایکسچینج کو بھی ارسال کر دی ہیں۔ حکومتی خط کے مطابق گردشی قرضوں کی مد میں ادائیگی منظور شدہ میکانزم کے تحت ٹرم فنانس سرٹیفکیٹس کے ذریعے کی گئی۔خط میں مزید بتایا گیا کہ گردشی قرضوں کی مد میں 92 ارب روپے کے سود کی ادائیگی 12 ماہ کی اقساط میں مکمل کی جائے گی، اور یہ ادائیگیاں جولائی 2025 سے شروع ہوئی تھیں۔ماہرین کے مطابق یہ اقدام سرکاری مالی استحکام اور توانائی کے شعبے میں مالی شفافیت کے فروغ کے لیے اہم پیش رفت ہے، جس سے سرمایہ کاروں اور مارکیٹ میں اعتماد بڑھنے کی توقع ہے۔