پی ٹی آئی نے پارلیمنٹ لاجز اور خیبر پختونخوا ہاؤس کے دھرنے ختم کر دیے

اسلام آباد( پاکستان خبر) پاکستان تحریک انصاف (پی ٹی آئی) نے پارلیمنٹ لاجز اور خیبر پختونخوا ہاؤس کے باہر جاری دھرنے ختم کر دیے ہیں۔ذرائع کے مطابق وزیراعلیٰ سہیل افریدی اور سابق وزیراعلیٰ علی امین گنڈاپور خیبر پختونخوا ہاؤس سے روانہ ہو گئے، جس کے بعد سڑک ٹریفک کے لیے کھول دی گئی۔ پارلیمنٹ لاجز میں بھی پی ٹی آئی کے قومی اسمبلی اور سینیٹ کے ارکان نے دھرنا ختم کر دیا، تاہم پارلیمنٹ ہاؤس میں اپوزیشن ارکان کا دھرنا جاری ہے۔ذرائع کا کہنا ہے کہ آج دوپہر ایک بجے پارلیمنٹ ہاؤس میں اپوزیشن اتحاد کی پارلیمانی پارٹی کا اجلاس طلب کیا گیا ہے، جس کی صدارت محمود خان اچکزئی کریں گے۔ اجلاس میں آئندہ سیاسی لائحہ عمل اور بانی چیئرمین کی میڈیکل رپورٹ پر غور متوقع ہے۔