پاکستان کا ٹی ٹوئنٹی ورلڈکپ فیصلہ آج متوقع، بھارت میچ پر بڑا امکان

اسلام آباد( سپورٹس ڈیسک) پاکستان ٹیم کی آئندہ ٹی ٹوئنٹی ورلڈکپ میں شرکت یا عدم شرکت سے متعلق حتمی فیصلہ آج متوقع ہے۔ ذرائع کے مطابق پاکستان کرکٹ بورڈ کے چیئرمین محسن نقوی وزیر اعظم شہباز شریف سے مشاورت کے بعد آج اس معاملے پر حتمی اعلان کریں گے۔ذرائع کا کہنا ہے کہ پاکستان کی جانب سے مکمل ٹورنامنٹ بائیکاٹ کے ساتھ ساتھ صرف بھارت کے خلاف میچ نہ کھیلنے کی تجویز بھی زیر غور رہی ہے۔ امکان ظاہر کیا جا رہا ہے کہ پاکستان ٹیم بھارت کے خلاف میچ کا بائیکاٹ کر سکتی ہے۔یاد رہے کہ چیئرمین پی سی بی محسن نقوی نے گزشتہ روز بنگلادیش کرکٹ بورڈ کے بھارت میں میچ نہ کھیلنے کے فیصلے کی حمایت کرتے ہوئے کہا تھا کہ بنگلادیش کا مؤقف اصولی ہے اور پی سی بی آئی سی سی کے دہرے معیار کو تسلیم نہیں کرتا۔