فلم دھرندھر 2 میں کام کا موقع، انیل کپور نے وقت کی کمی کو اپنی بڑی غلطی قرار دے دیا

ممبئی( شوبز ڈیسک)بالی ووڈ کے سینئر اداکار انیل کپور نے انکشاف کیا ہے کہ انہوں نے فلم دھرندھر کے دوسرے حصے میں مختصر کردار کی پیشکش قبول نہ کر کے اسے اپنا نقصان قرار دیا ہے۔بھارتی میڈیا سے گفتگو کرتے ہوئے 69 سالہ اداکار نے بتایا کہ فلم ساز آدتیہ دھر نے انہیں کراچی کے علاقے لیاری میں گینگ وار کی کہانی پر مبنی فلم دھرندھر کے دوسرے حصے میں مختصر کردار ادا کرنے کی پیشکش کی تھی۔انیل کپور کے مطابق انہیں یہ پیشکش پسند آئی تھی اور وہ اس کردار میں دلچسپی بھی رکھتے تھے لیکن مصروف شیڈول اور وقت کی کمی کے باعث وہ اس منصوبے کا حصہ نہیں بن سکے۔انہوں نے بتایا کہ آدتیہ دھر خاص طور پر ان کے پاس آئے تھے اور چاہتے تھے کہ وہ فلم میں ایک چھوٹا سا کردار ادا کریں، تاہم حالات کے باعث وہ ہاں نہ کر سکے۔ایک سوال کے جواب میں انیل کپور کا کہنا تھا کہ ان کی کامیابی کا راز صرف صلاحیت نہیں بلکہ پیشہ ورانہ دیانت داری اور وعدوں کی پابندی ہے، اور وہ ہمیشہ اپنے کام میں اسی اصول کو مقدم رکھتے ہیں۔