مایا خان کے والد انتقال کر گئے، اداکارہ کی مداحوں سے دعا کی اپیل

کراچی( شوبز ڈیسک)نامور پاکستانی اداکارہ اور میزبان مایا خان نے اپنے والد کے انتقال کی افسوسناک خبر سوشل میڈیا پر مداحوں کے ساتھ شیئر کی ہے۔مایا خان نے انسٹاگرام پر اپنے والد کی تصویر کے ساتھ بتایا کہ وہ انہیں چھوڑ کر چلے گئے ہیں اور وہ امید کرتی ہیں کہ ایک دن دوبارہ ان سے ملاقات ہوگی۔ اداکارہ نے مداحوں سے مرحوم کے لیے دعا کرنے کی اپیل بھی کی۔واضح رہے کہ مایا خان نے کچھ عرصہ قبل اپنی والدہ کو بھی کھو دیا تھا، اور اب ایک اور قریبی رکنِ خاندان کی وفات سے وہ ایک بار پھر بڑے صدمے کا شکار ہیں۔ مرحوم سابق وزیرِاعظم لیاقت علی خان کے نواسے تھے اور اپنے پیچھے اہلیہ اور تین بچوں کو سوگوار چھوڑ گئے ہیں۔