اسحاق ڈار کا یورپی یونین کے نائب صدر سے کشیدگی میں کمی پر تبادلہ خیال

اسلام آباد( پاکستان خبر) نائب وزیراعظم و وزیر خارجہ اسحاق ڈار نے یورپی یونین کی اعلیٰ نمائندہ و نائب صدر کایا کالس سے ٹیلی فونک گفتگو کی، جس میں حالیہ علاقائی اور عالمی صورتحال پر بات چیت کی گئی۔ترجمان دفتر خارجہ کے مطابق گفتگو کے دوران دونوں رہنماؤں نے موجودہ پیش رفت کا جائزہ لیا اور بدلتی ہوئی صورتحال پر مشاورت کی۔ اسحاق ڈار نے کشیدگی میں کمی کی اہمیت پر زور دیتے ہوئے کہا کہ امن اور استحکام کے قیام کے لیے مذاکرات اور سفارت کاری ناگزیر ہیں۔دونوں رہنماؤں نے اس بات پر اتفاق کیا کہ قریبی رابطے قائم رکھے جائیں تاکہ بدلتی ہوئی صورتحال پر مشترکہ مشاورت جاری رکھی جا سکے۔