جنیوا مذاکرات: ایران اور امریکا نے اہم اصولوں پر اتفاق، کچھ امور زیرِ بحث باقی

جنیوا( مانیٹرنگ ڈیسک) ایران اور امریکا کے درمیان جوہری مذاکرات کا دوسرا دور مکمل ہو گیا ہے، جس کے بعد ایران نے دعویٰ کیا ہے کہ معاہدے کے بنیادی اصولوں پر اتفاقِ رائے حاصل کر لیا گیا ہے، تاہم کئی اہم معاملات ابھی طے ہونا باقی ہیں۔ایران کے وزیر خارجہ عباس عراقچی نے مذاکرات کے بعد کہا کہ معاہدے کی راہ شروع ہو چکی ہے اور دونوں ممالک کے درمیان سنجیدہ بات چیت ہوئی۔ انہوں نے کہا کہ تہران اور واشنگٹن کے درمیان اہم نکات پر سمجھ بوجھ پیدا ہو گئی ہے، مگر کچھ اختلافی امور پر مزید بات چیت کی ضرورت ہے۔دوسری جانب ایران کے سپریم لیڈر علی خامنہ ای نے کہا کہ امریکا اسلامی جمہوریہ ایران کو تباہ نہیں کر سکتا۔ ان کے اس بیان کے بعد خطے میں فوجی نقل و حرکت اور جنگ کے خدشات میں اضافہ دیکھنے میں آیا ہے۔