بلوچستان: سنجاوی میں دہشت گردی کے خلاف پاکستان زندہ باد ریلی

کو ئٹہ( پاکستان خبر)بلوچستان کی تحصیل سنجاوی میں دہشت گردی کے خلاف پاکستان زندہ باد ریلی کا انعقاد کیا گیا، جس میں ضلع زیارت، ہرنائی اور سنجاوی کے ہزاروں افراد نے شرکت کی۔ریلی میں شرکاء نے حب الوطنی سے سرشار ہو کر فتنہ الہندوستان اور بھارت کے خلاف نعرے لگائے اور بلوچستان میں حالیہ دہشت گرد کارروائیوں کی شدید مذمت کی۔ شرکاء نے سبز ہلالی پرچم اٹھائے اور پاکستان و پاک افواج زندہ باد کے فلک شگاف نعرے لگائے۔ریلی میں دہشت گردی کے خلاف سیکیورٹی فورسز کو خراج تحسین پیش کیا گیا اور شانہ بشانہ کھڑے رہنے کے عزم کا اعادہ کیا گیا۔