راجستھان میں مبینہ طور پر مسلمان خواتین کو امدادی سامان دینے سے روک دیا گیا

نئی دہلی( مانیٹرنگ ڈیسک) بھارتی میڈیا کی رپورٹ کے مطابق ریاست راجستھان میں ایک امدادی پروگرام کے دوران کچھ مسلمان خواتین کو مبینہ طور پر امدادی سامان دینے سے انکار کیا گیا۔رپورٹ میں بتایا گیا ہے کہ یہ واقعہ اس وقت پیش آیا جب سکبھیر سنگھ، بی جے پی کے مقامی رہنما، کمبل تقسیم کرنے کے پروگرام میں شریک تھے۔اخبار کے مطابق متاثرہ خواتین نے دعویٰ کیا کہ جب منتظمین کو ان کے مسلمان ہونے کا علم ہوا تو انہیں امدادی فہرست سے الگ کر دیا گیا۔