بیرسٹر گوہر: کل تحریری مطالبات پیش کریں گے، حکومت نیک نیتی سے بیٹھے تو مسائل حل ہو سکتے ہیں

چیئرمین پی ٹی آئی بیرسٹر گوہر علی خان کا کہنا ہے کہ کل حکومت کے ساتھ مذاکرات کے تیسرے سیشن میں ہم اپنے مطالبات تحریری طور پر جمع کرائیں گے۔

اسلام آباد میں میڈیا سے بات کرتے ہوئے بیرسٹر گوہر نے کہا کہ آج کی کمپلینٹ ایک پرائیویٹ کمپلینٹ ہے جس کا طریقہ کار مختلف ہوتا ہے۔ ہم نے اپنے 12 شہدا اور 49 زخمیوں کا ذکر کیا تھا، جن میں سے مزید 2 افراد جاں بحق ہو چکے ہیں، ان کا ڈیٹا بھی عدالت میں جمع کرانا ہے۔ اس کے بعد اس کمپلینٹ پر مزید کارروائی کی جائے گی۔

بیرسٹر گوہر نے مزید کہا کہ اگر حکومت نیک نیتی اور سنجیدگی سے بیٹھے تو مسائل کا حل نکل سکتا ہے۔ کل ہمارے مذاکرات کا تیسرا سیشن ہو گا، اور ہم اپنے مطالبات تحریری طور پر جمع کرائیں گے۔

پی ٹی آئی سیاسی قیدیوں کی فہرست دے، پھر ہم جواب دیں گے: رانا ثنا

چیئرمین پی ٹی آئی نے کہا کہ جمہوریت اور سیاسی استحکام کے لیے ضروری ہے کہ سیاسی قیدیوں کو رہائی ملے اور انہیں ریلیف دیا جائے۔ انہوں نے امید ظاہر کی کہ مذاکرات کا عمل جلد مکمل ہو گا اور کوئی خوشخبری آئے گی۔

بیرسٹر گوہر کا کہنا تھا کہ پی ٹی آئی کے بانی کے خلاف جتنے کیسز بنائے جا سکتے تھے، وہ بنائے گئے ہیں اور وہ سیاسی قیدی ہیں، جنہیں رہائی ملنی چاہیے۔