شہباز شریف اور طیب اردگان کا ٹیلیفونک رابطہ، مشرق وسطیٰ میں کشیدگی پر تبادلہ خیال

اسلام آباد( پاکستان خبر) وزیراعظم محمد شہباز شریف اور ترک صدر طیب اردگان کا ٹیلیفونک رابطہ ہوا۔دونوں رہنماؤں نے مشرق وسطیٰ میں بڑھتے بحران پر گہری تشویش کا اظہار کیا۔ وزیراعظم نے ترک صدر کو خلیجی ممالک کی قیادت سے ہونے والے روابط سے آگاہ کیا اور بحران کے حل کے لیے تعمیری کردار ادا کرنے کے عزم کا اعادہ کیا۔رہنماؤں نے مزید کشیدگی سے بچنے کے لیے تحمل اور بردباری کے مظاہرے پر اتفاق کیا۔ وزیراعظم نے ترک صدر کو افغانستان کی حالیہ پیشرفت سے بھی آگاہ کیا۔دونوں نے خطے میں امن و استحکام کے لیے مشترکہ کوششیں جاری رکھنے پر اتفاق کیا۔