حیدرآباد کنگزمین کا ایس ایس یو ہیڈ کوارٹر کا دورہ، کھلاڑیوں کی شوٹنگ رینج میں دلچسپ سرگرمیاں

کراچی( سپورٹس ڈیسک)پاکستان سپر لیگ کی ٹیم حیدرآباد کنگزمین کے کھلاڑیوں اور سپورٹ اسٹاف نے کراچی میں ایس ایس یو ہیڈ کوارٹر کا دورہ کیا، جہاں انہیں مختلف سہولیات سے آگاہ کیا گیا۔دورے کے دوران کھلاڑیوں نے ہیڈ کوارٹر میں موجود جدید انتظامات کا جائزہ لیا اور شوٹنگ رینج کا بھی رخ کیا، جہاں بعض کھلاڑیوں نے نشانہ بازی میں حصہ لے کر اپنی مہارت کا مظاہرہ کیا۔اس موقع پر ٹیم کی جانب سے ڈی آئی جی ایس ایس یو مقصود احمد کو ایک بیٹ پیش کیا گیا، جس پر تمام کھلاڑیوں کے دستخط ثبت تھے۔تقریب خوشگوار ماحول میں منعقد ہوئی جس میں باہمی روابط کو فروغ دینے اور اداروں کے درمیان تعلقات مضبوط بنانے کے عزم کا اظہار کیا گیا۔