کشیدہ صورتحال، پاکستان کرکٹ ٹیم کا دورہ بنگلادیش غیر یقینی صورتحال کا شکار

لاہور( سپورٹس ڈیسک)خطے میں حالیہ کشیدگی کے باعث پاکستان کرکٹ ٹیم کے دورہ بنگلادیش پر غیر یقینی کے بادل چھا گئے ہیں۔ موجودہ صورتحال کے پیش نظر سیکیورٹی اور سفری انتظامات کا از سرنو جائزہ لیا جا رہا ہے تاکہ کھلاڑیوں اور آفیشلز کی حفاظت یقینی بنائی جا سکے۔ذرائع کے مطابق اگرچہ فی الحال شیڈول برقرار ہے، لیکن غیر یقینی صورتحال کے پیش نظر متبادل حکمت عملی بھی زیر غور ہے۔ 11، 13 اور 15 مارچ کو ڈھاکا میں تین ون ڈے میچز کھیلے جائیں گے، جبکہ اسکواڈ کی روانگی 9 مارچ کو متوقع ہے۔ٹیم انتظامیہ آئی سی سی ورلڈ کپ پر توجہ مرکوز کیے ہوئے ہے اور نوجوان کھلاڑیوں کو زیادہ مواقع دینے پر غور کر رہی ہے۔ غیر تسلی بخش کارکردگی والے کھلاڑیوں، بشمول بابر اعظم اور محمد نواز کو ڈراپ کیے جانے کا امکان ہے۔ سیریز میں صاحبزادہ فرحان کو اسکواڈ میں شامل کیا جائے گا، جنہوں نے حالیہ ورلڈ کپ میں بہترین کھیل پیش کیا تھا۔