تابش ہاشمی کا شکست پر طنزیہ وار

کراچی ( شوبز ڈیسک)تابش ہاشمی نے ٹی ٹوئنٹی ورلڈکپ میں بھارت کے خلاف میچ میں پاکستان کی شکست پر قومی ٹیم کو منفرد اور طنزیہ انداز میں تنقید کا نشانہ بنایا۔ نجی ٹی وی پروگرام کے دوران انہوں نے میچ کے نتیجے پر تبصرہ کرتے ہوئے نہ صرف کھلاڑیوں کی کارکردگی پر سوال اٹھائے بلکہ حریف ٹیم اور اس کے انتظامی معاملات پر بھی چبھتے جملے کسے۔سوشل میڈیا پر گردش کرنے والے کلپ میں تابش ہاشمی کو یہ کہتے سنا جا سکتا ہے کہ خبر وہ ہوتی ہے جو غیر متوقع ہو، جو بار بار پیش آئے وہ خبر نہیں رہتی۔ ان کے اس جملے کو میچ کے نتیجے سے جوڑ کر دیکھا جا رہا ہے، جس پر سوشل میڈیا صارفین کی جانب سے مختلف آرا سامنے آ رہی ہیں۔پروگرام میں انہوں نے ہار کے اسباب پر ہلکے پھلکے انداز میں بات کرتے ہوئے ٹیم کی حکمت عملی اور میدان میں فیصلوں پر بھی تبصرہ کیا۔ ان کا کہنا تھا کہ شائقین کی توقعات ہمیشہ بلند ہوتی ہیں، اسی لیے ہر میچ کے بعد بحث کا نیا سلسلہ شروع ہو جاتا ہے۔یہ ویڈیو کلپ وائرل ہونے کے بعد مداحوں کی جانب سے ملا جلا ردعمل سامنے آیا ہے، جہاں کچھ صارفین نے مزاح کو سراہا تو کچھ نے اسے سخت تنقید قرار دیا۔