پاکستان اسٹاک ایکسچینج میں شدید مندی، ہنڈریڈ انڈیکس 1 لاکھ 45 ہزار پوائنٹس تک گرگیا

کراچی( کامرس ڈیسک) پاکستان اسٹاک ایکسچینج میں کاروبار کے آغاز پر شدید مندی ریکارڈ کی گئی، جس میں ہنڈریڈ انڈیکس 9453 پوائنٹس کی کمی سے 1 لاکھ 48 ہزار 42 کی سطح پر آگیا۔تفصیلات کے مطابق اسٹاک مارکیٹ میں بدترین مندی کے باعث کاروبار عارضی طور پر معطل کر دیا گیا۔ انڈیکس ٹریڈنگ 9780 پوائنٹس کم ہو کر 1 لاکھ 47 ہزار 715 کی حد پر رک گئی جبکہ کے ایس ای 30 انڈیکس 3133 پوائنٹس کم ہو کر 45 ہزار 196 پر معطل ہوا۔کے ایس ای 30 انڈیکس ٹریڈنگ منفی 6.93 فیصد پر معطل رہی۔ ایک گھنٹے کے وقفے کے بعد کاروبار دوبارہ شروع ہوا، تاہم ہنڈریڈ انڈیکس مسلسل کمی کے بعد 1 لاکھ 45 ہزار 152 پوائنٹس تک گر گیا، جس میں 7.84 فیصد کمی دیکھی گئی۔ماہرین کا کہنا ہے کہ امریکا اور ایران کے درمیان کشیدگی کی وجہ سے تیل کی قیمتوں میں ریکارڈ اضافہ اسٹاک مارکیٹ کی مندی کی بڑی وجہ ہے۔ خطے کی کشیدہ صورتحال اور نئی مانیٹری پالیسی میں ممکنہ شرح سود میں اضافے کے خدشات بھی سرمایہ کاروں کے اعتماد پر اثرانداز ہو رہے ہیں اور وہ سرمائے کے انخلا کو ترجیح دے رہے ہیں۔