سونے اور چاندی کی قیمتوں میں ریکارڈ اضافہ

اسلام آباد( کامرس ڈیسک)عالمی اور مقامی مارکیٹوں میں سونے اور چاندی کی قیمتوں میں مسلسل اضافہ دیکھنے میں آیا ہے۔بین الاقوامی بلین مارکیٹ میں فی اونس سونے کی قیمت میں 148 ڈالر کا اضافہ ریکارڈ کیا گیا، جس کے بعد یہ 5 ہزار 64 ڈالر تک پہنچ گئی۔ عالمی مارکیٹ میں اضافے کے اثرات ملک میں بھی دکھائی دیے، جہاں فی تولہ سونے کی قیمت 14 ہزار 800 روپے بڑھ کر 5 لاکھ 29 ہزار 162 روپے کی سطح پر آگئی۔اسی طرح، فی دس گرام سونے کی قیمت میں 12 ہزار 689 روپے کا اضافہ ہوا اور یہ 4 لاکھ 53 ہزار 671 روپے تک جا پہنچی۔چاندی کی قیمتوں میں بھی اضافہ ریکارڈ کیا گیا، فی تولہ چاندی کی قیمت 109 روپے بڑھ کر 9 ہزار 255 روپے اور فی دس گرام چاندی کی قیمت 93 روپے کے اضافے کے ساتھ 7 ہزار 934 روپے کی سطح پر پہنچ گئی۔