پاکستان اسٹاک ایکسچینج میں 100 انڈیکس میں 9 ہزار 474 پوائنٹس کا اضافہ
کراچی(کامرس ڈیسک)پاکستان اسٹاک ایکسچینج میں آج کاروبار کے آغاز پر بڑی تیزی دیکھنے میں آئی، جس کے نتیجے میں 100 انڈیکس 9 ہزار 474 پوائنٹس کے اضافے کے ساتھ 155 ہزار 954 پوائنٹس کی سطح تک پہنچ گیا۔مارکیٹ میں اس تیز رفتار اضافے کے باعث اپ سائیڈ 7 فیصد کی حد عبور ہونے پر پاکستان اسٹاک مارکیٹ میں ایک گھنٹے کے لیے کاروبار معطل کر دیا گیا۔ پی ایس ایکس انتظامیہ کی جانب سے جاری ہدایات کے مطابق اسٹاک ٹریڈنگ کو اپر لاک لگنے کے باعث صبح 9 بج کر 22 منٹ پر روک دیا گیا اور اسے 10 بج کر 22 منٹ تک معطل رکھا گیا۔انتظامیہ کے مطابق اسٹاک ٹریڈنگ کا دوبارہ آغاز 10 بج کر 27 منٹ پر کیا گیا۔
