پاکستان نے ایندھن کی سپلائی یقینی بنانے کے لیے سعودی عرب سے بڑی خام تیل کی ترسیل کی درخواست کر دی

اسلام آباد( کامرس ڈیسک) آبنائے ہرمز کی بندش کے باعث ایندھن کی سپلائی چین میں پیدا ہونے والی غیر یقینی صورتحال کے دوران پاکستان نے سعودی عرب سے درخواست کی ہے کہ 23 مارچ کو عمان کی بندرگاہ پر 2 ملین بیرل خام تیل لے کر ایک بہت بڑا آئل ٹینکر (VLCC) روانہ کیا جائے۔ اس ٹینکر سے چار پاکستانی جہاز تیل حاصل کریں گے۔ذرائع کے مطابق سعودی حکام نے ابھی تک تصدیق نہیں کی ہے کہ آیا یہ جہاز عمان کی بندرگاہ پر لنگر انداز ہوگا یا براہ راست پاکستانی سمندری حدود میں تیل فراہم کرے گا، جس کی وجہ سے ایندھن کی سپلائی چین میں غیر یقینی صورتحال برقرار ہے۔