پاک بحریہ کی سی گارڈ مشقیں سمندر میں شروع

کراچی( پاکستان خبر)پاک بحریہ کے زیر انتظام بحری مشق سی گارڈ کے تیسرے ایڈیشن کے سمندری فیز کا آغاز ہو گیا ہے۔اس مشق میں اے این ایف، ایف آئی اے، سندھ پولیس، کوسٹ گارڈز، پاکستان کسٹم سمیت مجموعی طور پر 53 اسٹیک ہولڈرز حصہ لے رہے ہیں۔ مشق کا مقصد بندرگاہوں اور اہم بحری تنصیبات کے تحفظ کی صلاحیتوں کا جائزہ لینا اور عملی تربیت فراہم کرنا ہے۔مشقوں کے دوران گوادر پورٹ کی سیکیورٹی پر مامور ٹاسک فورس 88 بھی اپنی عملی صلاحیتوں کا مظاہرہ کرے گی۔ علاوہ ازیں انسداد منشیات فورس، کسٹمز اور دیگر اداروں کے درمیان ہم آہنگی اور فوری ردعمل کو بہتر بنانے کے اقدامات بھی عملی طور پر دکھائے جائیں گے۔پاک بحریہ کی مشق سی گارڈ 9 فروری کو اختتام پذیر ہوگی۔