اٹلی نے امریکی فوجی طیاروں کو سسلی اڈے سے مشرق وسطیٰ مشنز کے لیے استعمال سے روک دیا

اٹلی ( مانیٹرنگ ڈیسک)اٹلی نے امریکی فوجی طیاروں کو مشرق وسطیٰ سے منسلک کارروائیوں کے لیے سسلی کے فضائی اڈے سے اترنے سے منع کر دیا ہے۔میڈیا رپورٹس کے مطابق یہ فیصلہ نیول ایئر اسٹیشن سگونیلا سے متعلق ہے، جو ایک اسٹریٹجک مرکز ہے اور اکثر نیٹو اور امریکی مشنز کے لیے استعمال ہوتا ہے۔امریکہ کے بمبار طیارے مشرق وسطیٰ جانے سے پہلے اڈے پر اترنے والے تھے، تاہم اٹلی نے اجازت دینے سے انکار کر دیا۔ ذرائع کے مطابق یہ اقدام اس لیے کیا گیا کیونکہ امریکی درخواست میں اڈے کے استعمال کے مناسب طریقہ کار پر عمل نہیں کیا گیا تھا۔اطالوی قوانین کے تحت امریکی فوجی اڈوں کے استعمال کے لیے روم سے پیشگی مشاورت اور باضابطہ منظوری ضروری ہے، جس کی عدم موجودگی کی وجہ سے درخواست مسترد کی گئی۔ وزارت دفاع نے اس معاملے پر ابھی تک کوئی سرکاری بیان جاری نہیں کیا ہے۔