اسلام آباد پھر سفارتکاری کا مرکز، امریکا ایران مذاکرات کا نیا دور متوقع

لندن( مانیٹرنگ ڈیسک)اسلام آباد میں امریکا اور ایران کے درمیان مذاکرات کے ایک اور دور کے آغاز کا امکان ظاہر کیا جا رہا ہے، جس سے خطے میں سفارتی سرگرمیاں تیز ہو گئی ہیں۔برطانوی خبر رساں ادارے رائٹرز کے مطابق ذرائع کا کہنا ہے کہ دونوں ممالک کے وفود رواں ہفتے امن مذاکرات کے لیے دوبارہ اسلام آباد پہنچ سکتے ہیں۔پاکستان میں ایرانی سفارتخانے کے ایک اہلکار نے بھی اس بات کی تصدیق کی ہے کہ مذاکرات کا اگلا دور اسی ہفتے یا آئندہ ہفتے کے آغاز میں متوقع ہے۔اس سے قبل بھی اطلاعات سامنے آئی تھیں کہ پاکستان نے امریکا اور ایران کے درمیان مذاکرات کے دوسرے مرحلے کی میزبانی کی پیشکش کی تھی، جسے سفارتی سطح پر مثبت پیش رفت قرار دیا جا رہا ہے۔