ایپسٹین فائلز میں عمران خان اور قریشی کے ناموں کا انکشاف

اسلام آباد( پاکستان خبر)جیفری ایپسٹین فائلز میں پاکستان تحریک انصاف کے بانی چیئرمین عمران خان اور سابق وزیر خارجہ شاہ محمود قریشی کے نام بھی سامنے آ گئے ہیں۔میڈیا رپورٹس کے مطابق امریکی محکمۂ انصاف کی جانب سے جاری کردہ تازہ دستاویزات، جنہیں ایپسٹین فائلز کا نام دیا گیا ہے، دنیا بھر کی بااثر اور معروف شخصیات کے روابط، ملاقاتوں اور ای میل خط و کتابت پر مشتمل ہیں۔ان فائلز میں پاکستان سے متعلق چند حوالہ جات بھی شامل ہیں، جن میں عمران خان اور شاہ محمود قریشی کے نام درج ہیں۔ تاہم رپورٹس کے مطابق پاکستان سے متعلق یہ ذکر محدود اور زیادہ تر سرسری نوعیت کا ہے اور عالمی سطح پر سامنے آنے والے دیگر سنگین انکشافات کے مقابلے میں کم نوعیت کے سمجھے جا رہے ہیں۔ایپسٹین فائلز میں سیکڑوں سیاستدانوں، کاروباری شخصیات اور عالمی اثر و رسوخ رکھنے والے افراد کے نام شامل ہیں، تاہم تمام حوالہ جات کو یکساں نوعیت کا نہیں سمجھا جا رہا۔ پاکستان کے نام کے سامنے آنے کے بعد مقامی اور عالمی میڈیا کی توجہ اس جانب ضرور مرکوز ہوئی ہے۔