انسداد دہشت گردی عدالت نے فتح اللہ برکی کے ناقابل ضمانت وارنٹ جاری کر دیے

اسلام آباد( پاکستان خبر) انسداد دہشت گردی عدالت نے پی ٹی آئی بانی کے وکیل فتح اللہ برکی کے ناقابل ضمانت وارنٹ جاری کرتے ہوئے انہیں گرفتار کرکے پیش کرنے کا حکم دے دیا ہے۔نجی ٹی وی کے مطابق یہ فیصلہ خاور مانیکا پر تشدد کے کیس کی سماعت کے دوران کیا گیا، جس میں زاہد بشیر ڈار، انصر کیانی اور دیگر ملزمان عدالت میں پیش ہوئے۔ پی ٹی آئی وکلا کی جانب سے کومل جدون ایڈووکیٹ بھی عدالت میں پیش ہوئیں۔مقدمہ تھانہ سیکرٹریٹ میں درج ہے اور پی ٹی آئی وکلا پر خاور مانیکا کے ساتھ تشدد کرنے کا الزام عائد کیا گیا ہے۔ سماعت انسداد دہشت گردی عدالت کے جج طاہر عباس سپرا نے کی۔