پاکستانی اداکارہ مریم نفیس اور ان کے شوہر امان احمد کے گھر پہلے بچے کی پیدائش ہوئی ہے۔ مریم نے انسٹاگرام پر خوشخبری کا اعلان کرتے ہوئے اپنے بیٹے کی تصاویر شیئر کیں اور بتایا کہ بیٹے کا نام سید عیسیٰ امان رکھا گیا ہے۔
اداکارہ نے پوسٹ میں لکھا کہ “سید عیسیٰ امان ایک ہفتے پہلے دنیا میں آیا اور ہماری زندگی کو اور بھی خوبصورت بنا دیا۔” انہوں نے مداحوں سے دعاؤں کی درخواست بھی کی۔
شوبز انڈسٹری کے دوست اور مداح مریم نفیس کو اس خوشی کے موقع پر مبارکباد دے رہے ہیں۔ یاد رہے کہ مریم نے 2022 میں اپنے دوست اور فوٹوگرافر امان احمد کے ساتھ شادی کی تھی۔
