صیہونیت انسانیت کے لیے خطرہ ہیں، پاکستان کی خودمختاری محفوظ ہے:خواجہ آصف

اسلام آباد( پاکستان خبر) وزیر دفاع خواجہ آصف نے کہا ہے کہ صیہونیت انسانیت کے لیے خطرہ ہے اور فلسطین کی سرزمین پر اسرائیل کے قیام سے آج تک عالم اسلام پر جو بھی تباہی آئی، اس میں صہیونی نظریہ اور ریاست کا براہِ راست یا بالواسطہ ہاتھ شامل رہا ہے۔خواجہ آصف نے سوشل میڈیا پر کہا کہ صیہونیت نے ایک صدی سے دنیا کے معاشی نظام پر کنٹرول رکھا ہوا ہے اور بڑی طاقتیں جوہری ہتھیاروں کے ہاتھوں یرغمال ہیں۔ انہوں نے کہا کہ اللہ کی مدد اور پاکستان کی مسلح افواج کی طاقت نے دنیا کو باور کرایا کہ ملک کی خودمختاری محفوظ ہے۔انہوں نے ایٹمی طاقت بنانے میں کردار ادا کرنے والے افراد کو خراجِ تحسین پیش کیا اور کہا کہ ایران کی آمادگی کے باوجود جنگ مسلط کی گئی، جبکہ اسرائیل کے ایجنڈے میں پاکستان کو محدود کرنے کی کوششیں شامل ہیں۔وزیر دفاع نے کہا کہ افغانستان، ایران اور بھارت کا مشترکہ ایجنڈا پاکستان سے دشمنی پر مبنی ہے اور ڈھائی کروڑ پاکستانیوں کو چاہیے کہ وہ اس سازش کو سمجھیں۔ انہوں نے دعا کی کہ اللہ عالم اسلام کو اتحاد عطا کرے، فلسطین آزاد ہو، اور پاکستان مضبوط و سلامت رہے۔