امریکا میں گرین لینڈ کی خریداری پر سنجیدہ غور، وائٹ ہاس نے تصدیق کر دی

واشنگٹن( مانیٹرنگ ڈیسک) امریکی صدر ڈونلڈ ٹرمپ کی انتظامیہ گرین لینڈ کی ممکنہ خریداری کے معاملے پر باضابطہ طور پر غور کر رہی ہے، جس کی تصدیق وائٹ ہاس کی جانب سے کی گئی ہے۔ حکام کے مطابق یہ موضوع امریکی پالیسی حلقوں میں زیرِ بحث ہے۔گرین لینڈ، جو دنیا کا سب سے بڑا جزیرہ ہے، اپنی اسٹریٹجک جغرافیائی حیثیت اور قدرتی وسائل کی وجہ سے عالمی سطح پر غیر معمولی اہمیت رکھتا ہے۔ امریکی حکام کا کہنا ہے کہ اسی اہمیت کے پیش نظر امریکا اس امکان کا جائزہ لے رہا ہے کہ آیا گرین لینڈ کو ڈنمارک سے خریدنے کا کوئی قابلِ عمل راستہ موجود ہے یا نہیں۔امریکی وزیر خارجہ مارکو روبیو کے مطابق امریکا ڈنمارک کے ساتھ اس معاملے پر ابتدائی سطح پر بات چیت میں دلچسپی رکھتا ہے۔ بعض رپورٹس میں یہ بھی کہا گیا ہے کہ امریکی حکام گرین لینڈ کے شہریوں کو ممکنہ طور پر مالی مراعات دینے کے آپشنز پر غور کر رہے ہیں، تاکہ ان کے معاشی مستقبل کو بہتر بنایا جا سکے اور کسی ممکنہ انتظامی تبدیلی کی صورت میں سہولت فراہم کی جا سکے۔حکام نے واضح کیا ہے کہ فی الحال کسی حتمی فیصلے کا اعلان نہیں کیا گیا۔ تاہم عالمی سطح پر اس تجویز پر مختلف آرا سامنے آ رہی ہیں، جبکہ ڈنمارک کی جانب سے ایسے کسی بھی اقدام پر تحفظات کا اظہار کیا گیا ہے۔