امریکی سفارت خانے کا ویزہ سروسز سکیورٹی وجوہات سے منسوخ

اسلام آباد( پاکستان خبر) امریکی سفارت خانے نے سکیورٹی صورتحال کے پیشِ نظر تمام ویزہ سروسز 6 مارچ تک منسوخ کر دی ہیں۔ یہ فیصلہ اسلام آباد کے ساتھ لاہور اور کراچی میں موجود امریکی قونصل خانوں پر بھی لاگو ہوگا۔ پہلے یہ سروسز 2 مارچ تک معطل تھیں، تاہم اب اس میں مزید توسیع کر دی گئی ہے۔یاد رہے کہ اتوار کے روز کراچی میں امریکی قونصل خانے پر ہنگامہ آرائی کے دوران سکیورٹی اہلکاروں کی فائرنگ سے 10 افراد جاں بحق اور 35 زخمی ہو گئے تھے۔ اسلام آباد، لاہور اور کراچی میں مظاہرین نے ایرانی سپریم رہنما آیت اللہ علی خامنہ ای کی شہادت کے بعد قونصل خانوں کا گھیراؤ کیا تھا۔