ترکیہ غزہ امن منصوبے کے لیے فوجی تعیناتی پر تیار ہوگیا

ترکی( مانیٹرنگ ڈیسک)ترکیہ نے غزہ میں امن منصوبے کے تحت فوجی تعینات کرنے کی آمادگی ظاہر کر دی ہے۔وزیر خارجہ ہاکان فیدان نے ڈیوس میں ورلڈ اکنامک فورم کے موقع پر کہا کہ اگر بین الاقوامی سطح پر کوئی مؤثر امن فریم ورک تشکیل دیا گیا تو ترکیہ اس میں عملی کردار ادا کرے گا۔انہوں نے کہا کہ ترکیہ بورڈ آف پیس کا حصہ ہونے کے ساتھ غزہ سے متعلق ایگزیکٹو کمیٹی میں بھی فعال کردار ادا کر رہا ہے اور انسانی امداد کی فراہمی میں نمایاں تعاون کر رہا ہے۔ہاکان فیدان نے واضح کیا کہ ترکیہ نہ صرف سفارتی سطح پر بلکہ زمینی حقائق کو بہتر بنانے کے لیے بھی اپنی ذمہ داریاں ادا کر رہا ہے۔