ٹرمپ کی ڈنمارک پر درآمدی ٹیرف کی دھمکی

وا شنگٹن( مانیٹرنگ ڈیسک)امریکی صدر ڈونلڈ ٹرمپ نے گرین لینڈ پر امریکا کے ممکنہ کنٹرول کی مخالفت کرنے والے ممالک پر درآمدی ٹیرف عائد کرنے کی دھمکی دی ہے۔ صدر ٹرمپ کے مطابق آئندہ ماہ سے ڈنمارک اور اس کے یورپی اتحادیوں پر 10 فیصد درآمدی ٹیرف نافذ کیا جائے گا جو جون سے بڑھا کر 25 فیصد کر دیا جائے گا۔ٹرمپ نے اپنے سوشل میڈیا پلیٹ فارم ٹروتھ سوشل پر کہا کہ یہ اقدام گرین لینڈ کے حصول کے لیے دبا بڑھانے کی حکمت عملی کا حصہ ہے۔ ان کا کہنا تھا کہ امریکا نے صدیوں تک ڈنمارک اور یورپی ممالک کو تجارتی سہولتیں اور سبسڈیز دی ہیں، مگر اس کے بدلے کبھی مناسب معاوضہ وصول نہیں کیا گیا۔ صدر کے مطابق اب وقت آ گیا ہے کہ ڈنمارک اس کا ازالہ کرے کیونکہ عالمی امن اور سلامتی دا پر لگی ہوئی ہے۔