پاکستان کی دفاعی حکمتِ عملی اور عسکری سفارتکاری نے جنوبی ایشیا میں اہم مقام دلوایا

اسلام آباد( پاکستان خبر)پاکستان کی دفاعی حکمتِ عملی اور ملٹری ڈپلومیسی نے اسے جنوبی ایشیا میں ایک مضبوط اور قابلِ موازنہ قوت بنا دیا ہے۔بھارتی جریدہ دی ہندو نے عالمی سطح پر پاکستان کی بڑھتی ہوئی اہمیت اور کامیاب عسکری سفارتکاری کا اعتراف کیا ہے۔ جریدے کے مطابق مئی 2025 میں امریکی صدر ڈونلڈ ٹرمپ کی فیلڈ مارشل سید عاصم منیر کی پذیرائی اور پاکستانی دفاعی صنعت کی کامیابی پاکستان کے لیے سود مند ثابت ہوئی۔سعودی عرب کے ساتھ دفاعی معاہدے اور متحدہ عرب امارات کے ساتھ بہتر تعلقات نے پاکستانی دفاعی برآمدات میں اضافہ کیا ہے۔دی ہندو کے مطابق پاکستان آذربائیجان، میانمار، نائیجیریا اور بنگلہ دیش کے ساتھ بھی دفاعی معاہدوں کے لیے تیار ہے۔ چین اور ترکی کے ساتھ مشترکہ منصوبوں کے ذریعے پاکستان کی دفاعی پیداوار کئی ارب ڈالر سالانہ تک پہنچ چکی ہے۔