پاکستان ویمن کرکٹرز کے سکلز ٹریننگ کیمپ کا لاہور میں آغاز

لاہور( سپورٹس ڈیسک) پاکستان ویمن کرکٹرز کے سکلز ٹریننگ کیمپ کا لاہور میں آغاز ہو گیا ہے۔پاکستان کرکٹ بورڈ کے مطابق کیمپ میں 32 ویمن کرکٹرز کو مدعو کیا گیا اور تمام کھلاڑیوں نے کیمپ میں رپورٹ کر دی۔یہ سکلز ٹریننگ کیمپ ویمنز ٹی 20 ٹورنامنٹ، زمبابوے کے ساتھ ہوم سیریز، آئرلینڈ میں سہ ملکی سیریز اور آئی سی سی ٹی 20 ورلڈ کپ کی تیاریوں کا حصہ ہے۔ٹیم کے مینٹور وہاب ریاض کیمپ کی نگرانی کر رہے ہیں، جبکہ کوچز کھلاڑیوں کی فٹنس پر خصوصی توجہ دے رہے ہیں۔ کیمپ کے دوران سیناریو میچز بھی منعقد کیے جائیں گے تاکہ کھلاڑی عملی تجربہ حاصل کر سکیں۔