پاکستان نے مالی سال 2026 کی پہلی ششماہی میں 542 ارب روپے کا تاریخی سرپلس حاصل کر لیا

اسلام آباد( کامرس ڈیسک) ایس آئی ایف سی کی مؤثر معاشی حکمت عملی اور مالی نظم و ضبط کے باعث پاکستان کی مالیاتی کارکردگی میں نمایاں بہتری دیکھنے میں آئی ہے۔رپورٹ کے مطابق مالی سال 2026 کی پہلی ششماہی میں ملک نے 542 ارب روپے کا تاریخی مالیاتی سرپلس حاصل کیا، جو ملکی معیشت کی مضبوطی اور مالیاتی استحکام کا واضح ثبوت ہے۔ماہرین کا کہنا ہے کہ یہ سرپلس مالی سال کی پہلی ششماہی میں مالیاتی استحکام کی بہترین عکاسی کرتا ہے اور ملک میں معاشی ترقی کے امکانات روشن کرتا ہے۔