ڈاکٹر نبیہا علی خان اور حارث کھوکھر کی شادی شدہ زندگی میں اختلافات سوشل میڈیا پروائرل

لاہور( شوبز ڈیسک)سوشل میڈیا پر ڈاکٹر نبیہا علی علی خان کی شادی شدہ زندگی سے متعلق پرانا ویڈیو کلپ وائرل ہو گیا ہے، جس میں ان کے شوہر حارث کھوکھر نے نبیہا کی مشکوک فطرت کے بارے میں بات کی۔ڈاکٹر نبیہا نے حال ہی میں اپنے دیرینہ دوست حارث کھوکھر سے شادی کی تھی، اور نکاح و ولیمہ سمیت ہر تقریب کو میڈیا نے بھرپور کوریج دی۔ ابتدائی طور پر دونوں کی زندگی خوشگوار نظر آئی اور وہ مختلف شوز میں بھی ساتھ دکھائی دیے، تاہم بعد ازاں دونوں کے تعلقات خراب ہو گئے اور وہ علیحدہ رہنے لگے۔ڈاکٹر نبیہا نے میزبان فضا علی کے رمضان پروگرام میں شادی کے بعد پیدا ہونے والے اختلافات پر کھل کر بات کی۔ پروگرام کے دوران میزبان کئی مواقع پر جذباتی اور آبدیدہ ہو گئی، جسے سوشل میڈیا پر تنقید کا سامنا کرنا پڑا۔نبیہا علی نے الزام عائد کیا کہ حارث اور ان کے اہلِ خانہ نے انہیں ذہنی اذیت دی اور گھر سے نکال دیا، جبکہ حارث نے اس الزام کو جھوٹ قرار دیتے ہوئے کہا کہ نبیہا نے خود اپنی مرضی سے گھر چھوڑا۔ انہوں نے مزید بتایا کہ نبیہا علی کی شک کرنے والی فطرت ہی اصل وجہ ہے، جس کی بنا پر وہ تعلقات پر شبہ کرتی تھیں۔وائرل ہونے والے پرانے کلپ میں حارث کھوکھر نے کہا کہ نبیہا علی خان میں ایک کمی ہے، اور وہ حد سے زیادہ شک کرنے والی طبیعت کی مالک ہیں، جس کے باعث وہ ان پر باہر تعلقات رکھنے کا شبہ کرتی ہیں۔ یہ کلپ ولیمہ کے دو ماہ بعد ریکارڈ کیا گیا تھا اور اب سوشل میڈیا پر زبردست ردعمل حاصل کر رہا ہے۔