قومی کرکٹر حسن علی باپ بن گئے، بیٹے کی پیدائش پر خوشیوں کا سماں

لاہور( سپورٹس ڈیسک)قومی کرکٹر اور چیمپئنز ٹرافی 2017 کے بہترین بولر حسن علی پہلے بیٹے کے باپ بن گئے ہیں۔حسن علی نے اس خوشخبری کا اعلان اپنے سوشل میڈیا اکاؤنٹس پر کیا اور لکھا کہ ہیلینا، ہیزل، سامیعہ اور میں نے گزشتہ رات اپنے خاندان میں ایک نئے فرد کو خوش آمدید کہا ہے۔انہوں نے مزید بتایا کہ الحمدللہ، ہمارا خوبصورت بیٹا حمدان حسن علی خیریت سے ہے اور اس کی والدہ بھی مکمل طور پر صحت مند ہیں۔حسن علی نے اپنے چاہنے والوں سے دعاؤں میں یاد رکھنے کی بھی درخواست کی۔یاد رہے کہ حسن علی نے 2019 میں بھارت سے تعلق رکھنے والی سامیعہ سے شادی کی تھی، جن سے ان کی دو بیٹیاں ہیلینا اور ہیزل بھی ہیں۔