ٹرمپ تشدد اور عدم استحکام بھڑکا رہے ہیں:ایران کا الزام

نیویارک( مانیٹرنگ ڈیسک) ایران نے امریکی صدر ڈونلڈ ٹرمپ پر سیاسی عدم استحکام اور تشدد کو بھڑکانے کا الزام عائد کیا ہے۔اقوام متحدہ میں ایران کے سفیر امیر سعید ایروانی نے سلامتی کونسل کو خط میں لکھا کہ صدر ٹرمپ ایران کی قومی سلامتی کو خطرے میں ڈالنے کے ذمہ دار ہیں۔ انہوں نے کہا کہ امریکا اور اسرائیل کی کارروائیوں کی وجہ سے بے گناہ شہری جان بحق ہو رہے ہیں۔ایران نے یہ خط یو این سیکرٹری جنرل کو بھی بھیجا ہے، جس میں اس بات پر زور دیا گیا کہ عالمی برادری کو اس صورتحال پر فوری توجہ دینی چاہیے۔