تہران پر شدید بمباری، درجنوں ہلاکتیں، حزب اللہ کی اسرائیل پر میزائل حملے کی تصدیق

تہران( مانیٹرنگ ڈیسک)ایران کے دارالحکومت تہران پر شدید بمباری کی اطلاعات موصول ہوئی ہیں، جس کے نتیجے میں درجنوں افراد کے ہلاک ہونے کی خبریں سامنے آئی ہیں۔عرب میڈیا کے مطابق یہ حملے ایران پر جاری جنگ کے بعد سب سے شدید بمباری قرار دی جا رہی ہے۔ رپورٹ کے مطابق کرج شہر میں طاقتور دھماکوں کے بعد آسمان روشنی سے بھر گیا۔دوسری جانب لبنان کی مزاحمتی تنظیم حزب اللہ نے دعویٰ کیا ہے کہ اس نے اسرائیلی شہر صفد میں موجود ایک ڈرون کنٹرول بیس کو میزائل حملے سے نشانہ بنایا، جبکہ یفتاح بیرکس پر بھی راکٹ داغے گئے۔ادھر بحرین میں ایک ہوٹل کی عمارت سے ڈرون ٹکرا گیا، جس کے نتیجے میں عمارت میں آگ لگ گئی۔ایرانی وزیر خارجہ عباس عراقچی نے بیان دیا کہ موجودہ حالات میں امریکا کے ساتھ مذاکرات ایجنڈے میں شامل نہیں ہیں اور ایران ضرورت کے مطابق میزائل حملے جاری رکھے گا۔