حج پروازوں کا شیڈول جاری، پاکستان سے پہلی پرواز 18 اپریل کو روانہ ہو گی

اسلام آباد( پاکستان خبر)عازمین حج کے لیے خوشخبری ہے کہ رواں سال حج پروازوں کا باقاعدہ شیڈول جاری کر دیا گیا ہے۔ پاکستان سے پہلی حج پرواز 18 اپریل کو روانہ ہوگی۔سرکاری حج اسکیم کے تحت مجموعی طور پر 468 پروازوں کے ذریعے ایک لاکھ 19 ہزار عازمین کو حجازِ مقدس پہنچایا جائے گا۔ ابتدائی پروازیں کراچی، لاہور، سیالکوٹ اور ملتان سے روانہ ہوں گی اور حج آپریشن کے پہلے روز چار پروازوں کے ذریعے عازمین کو مدینہ منورہ پہنچایا جائے گا۔ابتدائی 15 روز تک عازمین کو مدینہ منتقل کیا جائے گا، جبکہ جدہ کے لیے حج پروازوں کا آغاز 4 مئی سے ہوگا۔ مدینہ کے لیے طویل دورانیے کی پہلی پرواز 7 مئی کو روانہ ہوگی، اور پاکستان سے آخری حج پرواز 21 مئی کو اڑان بھرے گی۔ مجموعی طور پر حج آپریشن 34 روز جاری رہے گا۔