حکومت کا پیٹرولیم لیوی میں اضافہ، عوام کو قیمتوں میں کمی کا مکمل ریلیف نہ مل سکا

اسلام آباد( پاکستان خبر) حکومت نے پیٹرولیم لیوی میں اضافہ کر کے عوام کو قیمتوں میں کمی کے مکمل ریلیف سے محروم کر دیا ہے۔دستاویزات کے مطابق پیٹرول پر لیوی 4 روپے 65 پیسے فی لیٹر بڑھا دی گئی ہے، جس کے بعد پیٹرول پر فی لیٹر پیٹرولیم لیوی 79 روپے 62 پیسے سے بڑھ کر 84 روپے 27 پیسے ہو گئی ہے۔اسی طرح ڈیزل پر لیوی میں 80 پیسے فی لیٹر اضافہ کیا گیا ہے، جس کے بعد ڈیزل پر فی لیٹر پیٹرولیم لیوی 75 روپے 41 پیسے سے بڑھ کر 76 روپے 21 پیسے کر دی گئی ہے۔