نائب وزیر اعظم اسحاق ڈار ایک روزہ دورے پر چین پہنچ گئے

بیجنگ( پاکستان خبر) نائب وزیر اعظم اور وزیر خارجہ اسحاق ڈار ایک روزہ اہم سرکاری دورے پر چین پہنچ گئے ہیں۔ بیجنگ آمد پر پاکستان کے سفیر خلیل ہاشمی اور چینی سفیر یوئے شیاو یونگ نے ان کا استقبال کیا۔دفتر خارجہ کے ترجمان کے مطابق اسحاق ڈار چینی وزیر خارجہ کی دعوت پر پہنچے ہیں، جہاں دونوں رہنما پاک چین دوطرفہ تعلقات کا جائزہ لیں گے اور باہمی دلچسپی کے امور پر تبادلہ خیال کریں گے۔مزید برآں، دونوں ممالک کے وزرائے خارجہ خطے کی صورتحال اور عالمی حالات پر بھی گفتگو کریں گے۔ اسحاق ڈار کا یہ بیجنگ کا دوسرا دورہ ہے جو اس سال کے دوران ہو رہا ہے۔قابل ذکر ہے کہ وزیر خارجہ اسحاق ڈار کندھے کے فریکچر کے باوجود دورہ کر رہے ہیں، جو پاکستان کی چین کے ساتھ تعلقات کی اہمیت کو ظاہر کرتا ہے۔پاک چین تعلقات ہر موسم میں قائم رہنے والی اسٹریٹجک شراکت داری پر مبنی ہیں، جس میں علاقائی اور عالمی امور پر قریبی رابطہ اور باقاعدہ مشاورت شامل ہے۔